منتدى اللورد الشامل


www.ellord.logu2.com
 
الرئيسيةالبوابةبحـثالمجموعاتالتسجيلدخول

شاطر | 
 

 أشهر جمل بيقولوها الأب و الأم في مصر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ساره


avatar

العمر : 31
البلد : الزقازيق
العمل : معلمه
تاريخ التسجيل : 27/03/2008

مُساهمةموضوع: أشهر جمل بيقولوها الأب و الأم في مصر   18th يوليو 2008, 6:24 pm

* امشى جاتك مشش فى ركبك .



* جتها نيلة الى عايزة خلف تيجى تتفرج .


*ذاكر ياموكوس مش فالح غير فى الهيافه والكلام الفاضى.


* ربنا يرزقك بعيل يوريك اللي ورتهوني.


* هات كيس عيش وانت راجع.


* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .


* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.


* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*أوعا حد يضحك عليك ويقولك جرب السيجارة دي.


*ابقى ورينى مين حينفعك فى الاخر من شوية الصيع الى انت مشيلى وراهم .


* قوم اقرا لك كلمتين ينفعوك .


* وطي المدعوق ده شويه .


* انت فاكرنا نايمين على ودانا ؟


*لما ما ترضاش تاكل في البيت:طبعا مانت اتعودت علي اكل بره .


*ياريتك تحفظ دروسك زى مانت حافظ الاغانى.


* عيـــب ... لازم تحترم اللي أكبر منك .


* لو شفت خناقه ما لكش دعوة بيها .


* كريم دا عيل بايظ وماتمشيش معاه تاني .


* مين منى دي انتى كل يوم تصاحبي واحدة جديدة ؟.


* انته مبتكلش جزر ليه .. اجيبلك برتقانه. طب كل سلطه .


* يبني بأسلوبك ده مش هتعيش معاك واحده .


* قومي ساعدي امك ده اللي هيتجوزك أمه داعية عليه.


* اوعى حد غريب يديلك حاجه تاكلها و تشربها و تاخدها منه .


* يا ابني حرام عليك الى بتعمله فينا ده.


* انا سايبالكوا البيت وماشية ومش حتشوفوا وشي تاني .


* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.


* وانت فاكر احنا مستنيين منك حاجه .


* المسلسل مش هينفعك ...قوم .


*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.


* كفايه رغي في التليفونات .


* كل على مهلك .. وامضغ كويس ... وما تكلش وانت واقف .. وكل من قدامك ما تحفش .


* اطفي التلفزيون وقوم ذاكر ولا و خش اوضتك .


* بلاش تمشى حافى البس شبشب وانته داخل الحمام .


* ما فيش مذاكرة على المزيكا .. وازاى بتذاكر و البتاع ده شغال جنبك .


* افرد ظهرك .


* لم شراباتك.


* ماتكلش فى ضوفرك.


* كنت فين لحد دلوقتى يا صايع.


* ماتتأخرش علشان عندك كلية بكرة بدرى.


* انا مش عارف انته طالع لمين.


* انا : ياماما بقه ايه ده ؟؟؟
ماما:مووو لمـا يــــــخدك .


* ادلعى ياهبة فى ايامك المهببة .

* ده منظر اودة بني آدم ، انت عايش فيها ازاي؟.


* هو انا الخدامه الى ابوكم جبهلكم .


* الى يطلع من الاوضه يطفى النور وراه .


*أبوك عندك أهو اتصرف معاه .


* اللي بيشيل قربه مخرومة بتخر عليه لوحده ..


* لو مش فاهم حاجه ارفع ايدك و قول للأستاذ مش فاهم .. متتكسفش .


* البس فنله قطن تحت ودفي سدرك ودخل التيشرت في بنطلون البيجامه وانته نايم .


* يأبنى المذاكره مابتخلص .... نفسى اشوفك مره ماسك كتاب.


* اعمل حسابك مش حندخلك جامعه خاصه.


* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .


* مالكش دعوة بالسياسة .. وماتمشيش في مظاهرات .و امشي جوا الحيط :d:d .


* احمد ربنا الاكل الى مش عجبك ده فى ناس مش لقينه .


* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .


* قومي سخني الأكل لأخوكي.


* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.


* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركذ والناس ماشيه حوليه فى الشارع )
الرجوع الى أعلى الصفحة اذهب الى الأسفل
معتز اللورد


avatar

البلد : الـقـاهـرة
العمل : عمل ربنا
تاريخ التسجيل : 05/11/2007

مُساهمةموضوع: رد: أشهر جمل بيقولوها الأب و الأم في مصر   18th يوليو 2008, 9:55 pm

هههههههه هههههههه هههههههههه هو ده الفولكلور الشعبى

هههههههه فعلا كلام محفوظ من جيل لجيل وعلى فكرة انته يا شباب لما ربنا يكرمكم

وتتزوجة هتعملة كده وهتقولة لاولدكم هذا الكلام وهتفتكرة كلامى

ــــــــــــــــــــــــــــــــــــــــــــــــــــــــــ التوقيع الشخصي ــــــــــــــــــــــــــــــــــــــــــــــــــــــــــ





الرجوع الى أعلى الصفحة اذهب الى الأسفل
شمعة المنتدي


avatar

العمر : 37
البلد : في قلب الورد
العمل : معلمه
تاريخ التسجيل : 16/03/2008

مُساهمةموضوع: رد: أشهر جمل بيقولوها الأب و الأم في مصر   19th يوليو 2008, 2:23 am

* افرد ظهرك .

* ماتكلش فى ضوفرك.

ههههههههههههههههههههههههههههه

الكلام هذه تعبت منها وانا اقولها ل سارونتي ((بنتي ساره )) هههههههههههههه


تسلمي بس في بعض الاشياء منى فاهماها ((مش فهماها )) زي ده

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

يعني ايش = ماتحفش

تسلمييييييييييي
الرجوع الى أعلى الصفحة اذهب الى الأسفل
معتز اللورد


avatar

البلد : الـقـاهـرة
العمل : عمل ربنا
تاريخ التسجيل : 05/11/2007

مُساهمةموضوع: رد: أشهر جمل بيقولوها الأب و الأم في مصر   19th يوليو 2008, 11:51 am

متخفش بمعنى الاكل مش هيطير من قدامك تمهل وبرحتك

ــــــــــــــــــــــــــــــــــــــــــــــــــــــــــ التوقيع الشخصي ــــــــــــــــــــــــــــــــــــــــــــــــــــــــــ





الرجوع الى أعلى الصفحة اذهب الى الأسفل
ساره


avatar

العمر : 31
البلد : الزقازيق
العمل : معلمه
تاريخ التسجيل : 27/03/2008

مُساهمةموضوع: رد: أشهر جمل بيقولوها الأب و الأم في مصر   26th يوليو 2008, 10:58 pm

ميرسى اوووووووووووووووووى على الكلام ده ومشاركتك وفعلا هو فلكلور شعبى ويتورث من جيل لجيل تقبل تحياتى




الرجوع الى أعلى الصفحة اذهب الى الأسفل
ساره


avatar

العمر : 31
البلد : الزقازيق
العمل : معلمه
تاريخ التسجيل : 27/03/2008

مُساهمةموضوع: رد: أشهر جمل بيقولوها الأب و الأم في مصر   26th يوليو 2008, 11:00 pm

بشكرك جدا يا شمعه على كلامك الجمل ده




وربنا يخليلك ساره تقبلى تحياتى
الرجوع الى أعلى الصفحة اذهب الى الأسفل
دكتور أحمد


avatar

العمر : 32
البلد : فى قلب ست الحبايب
العمل : طبيب بشرى
تاريخ التسجيل : 25/06/2008

مُساهمةموضوع: رد: أشهر جمل بيقولوها الأب و الأم في مصر   27th يوليو 2008, 12:25 pm

* ما فيش مذاكرة على المزيكا .. وازاى بتذاكر و البتاع ده شغال جنبك .
هههههههههههههه على فكرة انا مش بذاكر الا

كدة ومش فيه حد بيقولى الكلام ده هههههههههه

بجد ميرسى ليكى على الموضوع الجميل

تقبلى تحياتى




دكتور أحمد
الرجوع الى أعلى الصفحة اذهب الى الأسفل
ساره


avatar

العمر : 31
البلد : الزقازيق
العمل : معلمه
تاريخ التسجيل : 27/03/2008

مُساهمةموضوع: رد: أشهر جمل بيقولوها الأب و الأم في مصر   30th يوليو 2008, 11:00 pm

ميرسى اووووووى يا دكتور احمد على مرورك
الرجوع الى أعلى الصفحة اذهب الى الأسفل
 
أشهر جمل بيقولوها الأب و الأم في مصر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى اللورد الشامل :: الاقـسـام الـعـامـة :: منتدى الـعـام-
انتقل الى:  
سحابة الكلمات الدلالية
قناة برنامج الحكمة مبارك اللورد النايل افيشات الخاتم السعودى تردد ترددات بوجى مشاهده اجمل رمضان الشامل الايمان مصرية القديمه التحميل الاطفال الاسود وطمطم الشيخ زهرة الافلام