منتدى اللورد الشامل


www.ellord.logu2.com
 
الرئيسيةالبوابةبحـثالمجموعاتالتسجيلدخول

شاطر | 
 

 اضحك من القلب ( حلقات الزواج من على النت)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ساره


avatar

العمر : 31
البلد : الزقازيق
العمل : معلمه
تاريخ التسجيل : 27/03/2008

مُساهمةموضوع: اضحك من القلب ( حلقات الزواج من على النت)   30th يوليو 2008, 11:47 pm

مع اقوى انتاج فنى درامى مسرحى فكاهى (اضحك معانا)


ومع اولى حلقات البرنامج

وموضوع الحلقه وكام حلقه بعديها (عريس من على النت)


كاميرا 1........... .......استعد


2........... ......... ....... .صور



سباعى هات الشاى


اكشــــــــــــــــــن




تركت عفاف الكمبيوتر التي تقضى عليه معظم وقتها فجأة
وصرخت بصوت عالى

مااااما ..... يا ماماااااااااااااااا .....يا ماماااااااااااااااا

الأم : فيه إيه يابت بالراحة إخواتك نايمين


عفاف: معلش يا ماما أصلى فرحانة ....

فرحانة اوي اوي

الأم: خير يا بنتى فرحينى معاكى كدا ربنا يفرح قلبك

عفاف: عريس يا ماما عريس

الأم : يا ألف نهار أبيض يا ألف نهار مبروك


لولولولولولولولولولولولولولوى


وبعد دقيقتين أحضان وقبلات تذكرت الأم

الأم: ألا قوليلى يابت

عريس مين دة اللي هيتقدملك

وماقلتليش من ساعة ما جيتى من الجامعة ليه ؟

عفاف: لأنى لسة عارفة دلوقتى حالا يا ماما

الأم بإستغراب: عارفة دلوقتى حالا؟؟؟؟؟؟

عارفة منين يابت دة انتى لسة قايمة دلوقتي من قدام الكبورر....

عفاف : ههههههههههههه كبورر ايه بس يا ست الكل

اسمه كمبيوتر

الأم:مش مهم

المهم عرفتيه ازاى ؟ ومين أصلا العريس دة يعنى جاى منين؟

عفاف:من النت يا ماما

ظلت الأم المسكينة تنظر لابنتها باستغراب

وهى تراجع كل ما تعرفه من كلمات

ولم تجد لكلمة النت أثر بينها

فسألت عفاف..........

الأم: النت ؟ ودى تبقى فين دى يا بت؟

عفاف: فين ازاى يا ماما؟

الأم: يعنى فينها من الوايلى الى احنا فيها؟

تركبيلها مترو ولا اتوبيس ولا تأخديها تاكسى

اوعى يابت يكونوا بيروحولها بالقطر؟

عفاف : هههههههههههههههه ايه يا ماما الى انت بتقوليه دة؟

مترو إيه وقطر إيه؟! دة النت

الأم: أيوة يا بنتى عرفنا انه الزفت

بس دة موقعه فى انه بلد بالظبط ؟

عفاف:فى كل البلاد يا ماما

الأم باستغراب : انتى اتهبلتى يا بت؟

يعنى إيه فى كل البلاد؟

عفاف: يا ماما النت دة عبارة عن كمبيوترات كتير

في العالم وفيه معلومات كتير اوى

الأم:معلومات ايه يابت انتى

هو انتى هتتجوزى دايرة المعارف؟؟؟؟؟؟

عفاف:المهم يا ماما ان فى واحد متقدملى عن طريق النت

الأم: ودة اتقدم ازاى يعنى؟؟؟؟؟

عفاف: بعتلى إيميل

الأم فى ذهول : ايميل؟

بعتلك إيميل جارنا المسيحى؟

وإزاى يا بت تقبلى تتكلمى مع الى اسمه إيميل ده

وهو مين عشان الزفت بتاعك ده يبعته لينا!!!!!

عفاف فى سرها طب افهمها ازاى دى بقــــــــــى ؟؟؟

عفاف:يا ماما اهدى إيميل جارنا مين بس ...!

الأم: مش انتى الى بتقولى يابت

عفاف:إيميل يعنى جواب بس على النت

الأم: برضه هتقوليلي عالزفت

يابنتى أنا مش فاهمة البتاع الى بتتكلمي عليه دة

عفاف:النت دة ياماما حاجة فى الكمبيوتر

ممكن نبعت فيها رسائل لناس برة

ونستقبل منهم رسائل برضه دة غير حاجات كتير

الأم:أنا ماليش فى الكلام دة

اللي انا عايزة أعرفه هو مين ومعاه شهادة ولا لأ ؟

واصله ايه وفصله ايه ؟؟

عفاف:هو اسمه حاتم

وطالب فى هندسة حاسبات و قاطعتها الأم

الأم : طالب؟؟؟؟؟؟؟؟؟؟

عفاف: أيوة ياماما بس فى آخر سنة

الأم : بصى أنا ماليش دعوة بالموضوع دا أنا هتصل بأبوكى وهو يتصرف

اتصلى بيه انتى عالموبايل وأنا أكلمه

زمانه عالقهوة

وفى قهوة المعلم حسنين

رن الموبايل بتاع عم حلاوة العنتبلى الجزار






cut


الشاي ياعم عبدو




لو عجبكم الموضوع هكمل الحلقات ان شاء الله



عايزه منكم الرد اكمل ولا لا
الرجوع الى أعلى الصفحة اذهب الى الأسفل
شمعة المنتدي


avatar

العمر : 37
البلد : في قلب الورد
العمل : معلمه
تاريخ التسجيل : 16/03/2008

مُساهمةموضوع: رد: اضحك من القلب ( حلقات الزواج من على النت)   31st يوليو 2008, 3:00 am

اوعي ما تكمليش انا متحمسه اوي على بقيت القصه خالص

سارونا تسلمي على القصه والباقيه تاتي صح ؟؟؟؟
الرجوع الى أعلى الصفحة اذهب الى الأسفل
معتز اللورد


avatar

البلد : الـقـاهـرة
العمل : عمل ربنا
تاريخ التسجيل : 05/11/2007

مُساهمةموضوع: رد: اضحك من القلب ( حلقات الزواج من على النت)   31st يوليو 2008, 12:26 pm

ههههههههه لذيذة القصة يا سارة كملى بس جزء جزء مش مع بعض

مستنى تكملة عم عبدة والشاى هههههههه

ــــــــــــــــــــــــــــــــــــــــــــــــــــــــــ التوقيع الشخصي ــــــــــــــــــــــــــــــــــــــــــــــــــــــــــ





الرجوع الى أعلى الصفحة اذهب الى الأسفل
ساره


avatar

العمر : 31
البلد : الزقازيق
العمل : معلمه
تاريخ التسجيل : 27/03/2008

مُساهمةموضوع: رد: اضحك من القلب ( حلقات الزواج من على النت)   31st يوليو 2008, 5:46 pm

ميرسى ليكى يا مدونا وانتظرى قريب بقيت الاجزاء
الرجوع الى أعلى الصفحة اذهب الى الأسفل
ساره


avatar

العمر : 31
البلد : الزقازيق
العمل : معلمه
تاريخ التسجيل : 27/03/2008

مُساهمةموضوع: رد: اضحك من القلب ( حلقات الزواج من على النت)   31st يوليو 2008, 5:50 pm

ميرسى اوووى يا لورد وانشاء الله هنزلهم على اجزاء انتظروا الجزء الثانى
الرجوع الى أعلى الصفحة اذهب الى الأسفل
دكتور أحمد


avatar

العمر : 32
البلد : فى قلب ست الحبايب
العمل : طبيب بشرى
تاريخ التسجيل : 25/06/2008

مُساهمةموضوع: رد: اضحك من القلب ( حلقات الزواج من على النت)   1st أغسطس 2008, 3:19 am

الله موضوع جميل ياسارة وفى غاية خفة الدم

توكلى على الله وكمل واحنا منتظرين

تقبلى تحياتى


الرجوع الى أعلى الصفحة اذهب الى الأسفل
ساره


avatar

العمر : 31
البلد : الزقازيق
العمل : معلمه
تاريخ التسجيل : 27/03/2008

مُساهمةموضوع: رد: اضحك من القلب ( حلقات الزواج من على النت)   1st أغسطس 2008, 4:52 pm

ميرسى على مرورك يا دكتور احمد وبشكركم على الثقه الغاليه
الرجوع الى أعلى الصفحة اذهب الى الأسفل
الملك



العمر : 35
البلد : القاهره
العمل : ضابط شرطه
تاريخ التسجيل : 01/08/2008

مُساهمةموضوع: رد: اضحك من القلب ( حلقات الزواج من على النت)   2nd أغسطس 2008, 9:41 pm

موضوع جميل جدا يا ساره وزؤك جلو
الرجوع الى أعلى الصفحة اذهب الى الأسفل
فتاة الضباب

avatar

العمر : 25
البلد : الجزائر
العمل : طالبة
تاريخ التسجيل : 29/07/2008

مُساهمةموضوع: رد: اضحك من القلب ( حلقات الزواج من على النت)   3rd أغسطس 2008, 9:14 pm

ههههههههههههههههههههههه
مشكورة اخت وكملي نحن مستنين
الرجوع الى أعلى الصفحة اذهب الى الأسفل
ساره


avatar

العمر : 31
البلد : الزقازيق
العمل : معلمه
تاريخ التسجيل : 27/03/2008

مُساهمةموضوع: رد: اضحك من القلب ( حلقات الزواج من على النت)   10th أغسطس 2008, 7:39 pm

ميرسى على مرورك تقبل تحياتى
الرجوع الى أعلى الصفحة اذهب الى الأسفل
 
اضحك من القلب ( حلقات الزواج من على النت)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى اللورد الشامل :: الاقـسـام الـعـامـة :: منتدى الـعـام-
انتقل الى:  
سحابة الكلمات الدلالية
بوجى الخاتم النايل ترددات الشيخ اجمل مشاهده الشامل افيشات زهرة رمضان قناة اللورد الافلام الاسود برنامج تردد الحكمة التحميل الاطفال مصرية القديمه وطمطم السعودى الايمان مبارك