منتدى اللورد الشامل


www.ellord.logu2.com
 
الرئيسيةالبوابةبحـثالمجموعاتالتسجيلدخول

شاطر | 
 

 الحلقه الثالثه من الزواج من على النت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ساره




العمر : 30
البلد : الزقازيق
العمل : معلمه
تاريخ التسجيل : 27/03/2008

مُساهمةموضوع: الحلقه الثالثه من الزواج من على النت   6th أغسطس 2008, 3:21 pm

حلقة التالتة من موضوع العريس بتاع النت دا ؟ اخر زمن اهاهاها

الحلقه التالته



كــــاميرا 1 ............ ......... ..اجهز


كاميرا 2 ............ ....استعد


كاميرا 3........... ......... ...صور


الشاى يا سباعى



اكشــــــــــــــن




عفاف: يا ماما والنبي افهينى بقي عشان خاطرى

العريس دة لقطة ومفيش زيه فى النت

أنا حبيته من كتاباته


الأم: كتاباته ؟؟؟؟ هو مؤلف؟؟؟؟

عفاف: مش مؤلف قوى يعنى بس بيكتب عالنت

الأم: ودة بيكتب فى ايه بالضبط؟

عفاف: لالالالالالالالا يا ماما

دا ما شاء الله عليه ماخلاش حاجة إلا لما كتب عنها

الأم بخبث :ااااااااااااااااااااااه

مين يشهد للعروسة؟؟؟؟

عفاف: لا والله ياماما بكلمك جد

الأم بصوت عالى : اسمعى يا بت انتى أنا لا أعرف نت ولا كتابات

أبوكى زمانه جاى دلوقتي هوبقي يتصرف معاكى

عفاف وفي سرها : ماهيا دى المصيبة

دخل المعلم حلاوة العنتبلى فى هذه اللحظة مبتهجا

العنتبلى: مساء الخير

الأم: يسعد مساك يا خويا

تعالى بقى شفلك حل فى بنتك دى

العنتبلى: خير يا بنتى؟

عفاف:أبدا يا بابا

مش انتوا عاوزينى اتجوز

اهو جالى عريس ومع كدة ماما مش عاجبهااااااااااااا

العنتبلى: أكيد مش عاجبها عشان جاهلة

سيبك منها وقوليلى إيه الحكاية؟

عفاف: فى واحد طلب ايدى عن طريق النت

وقالى انه جاد فى طلبه ومستعد يجيي فى أى وقت

العنتبلى: عال عال

وإيه كمان؟؟؟؟

عفاف: يعنى انت مش معارض يا بابا؟

العنتبلى: واعارض ليه يا بنتى

عفاف : طب ارد اقوله ايه

العنتبلى وبصوت خشن:تردي علي مين

عفاف :على حاتم ياباباااااااااااااااااااااا

العنتبلى وبصوت خشن:حااااااااتم ميييييين؟

عفاف: العريس يا بابا

العنتبلى:اااااااااااااااه مش تقوليلى كدة من الصبح

قوليلى الأول هو بيكتب فى أنه صفحة؟؟؟؟

عفاف: يااااااااااااااااه يابابا

دة بيكتب فى صفحات كتيرة اوي اوي

العنتبلى: عظيم

وياترى بقى هو مشهور كدا يعنى الناس تعرفه؟

عفاف: أكيد يا بابا دة معروف جدا فى المنتديات

العنتبلى: فين ياختى؟؟؟؟؟

عفاف: فى المنتديات يا بابا

العنتبلى: ودى تطلع إيه دى كمان ؟؟؟

عفاف:دى صفحات عالنت يا بابا بتجمع أعضاء كتير اوووي

وبيتكلموا فى مواضيع كتير

العنتبلى: يابت سيبك من النحوى دة وكلمينى كلام افهمه

عفاف في سرها:بقى دة نحوى ياعالم

عفاف: حاضر يا بابا

المنتديات دى زى

زى ايه قعدة المصطبة كدة

كل مجموعة واخدلها ركن وعمالين يتكلموا فى حاجة معينة

وبيبقى لها شروط وقوانين معينة وكدة يعنى

العنتبلى: ااااااااااااااااااااه فهمت

يعنى زى سوق العجول كدة

عفاف وقد فاض بها:

عجول ايه بس يابا ؟بقى المنتدى زى سوق العجول؟!

العنتبلى: جرا ابه يابت انتي

مش عاجباكى العجول يا بنت عواطف؟؟؟؟

مش العجول دى الى بناكل منها عيش وربتك انتى واخواتك لغاية ما كبرتى وبقيتى عجلة زى أمك؟؟؟؟

عفاف: طيب خلاص يا بابا ...

المهم انه مشهور .. مشهور اوووي

العنتبلى:طيب نيجى للمهم بقىىىىىى

هو عرفك منين؟؟؟؟

شعرت عفاف بالرعب من السؤال فأجابك بسرعة

عفاف: لا يا بابا اوعى تفهمنى غلط

والله ما شافنى ولا مرة حتى فى أى حتة

العنتبلى: ماطبعا يا بنتى لأنه لو كان شافك مكانشى اتقدم أصلا

عفاف: وبعدين معاك بقى يا بابا............ . هو أنا وحشة اوي كدا ؟؟؟؟

العنتبلى مبتسما إبتسامة صفراء: يابت بضحك معاكى

انتى زى القمر بس عيبك الوحيد انك شبه أمك

الأم: جرالك ايه يا راجل إنت ما تتعدل فى الكلام أحسنلك

العنتبلى: احم احم

كنا بنقول إيه يا عفاف؟؟؟؟

عفاف: كنت بتسألنى هو عرفنى منين؟؟؟؟

عموما هو عرفنى من النت

واتقدملى عن طريق النت

وإن شاء الله لو وافقتم هييجى يتقدملى على طول

العنتبلى:وماله يا بنتى خليه ييجى

عرفك من النت عرفك من السلخانة

مش فارقة المهم انه وقع على بوذه

عفاف فى سرها: ياخوفى من ألفاظكم دى الى تطفش 100 عريس مش عريس واحد بس .....!!!!

العنتبلى: قوليله ييجى يوم الجمعة بعد العصر

عفاف مسرورة: حاضر يا بابا هقوله حالا

ودخلت مسرعة إلى حجرتها فاستعجب المعلم حلاوة العنتبلى وسألها العنتبلى: هتعملى إيه يا بت؟؟؟؟

عفاف: هقوله يا بابا

العنتبلى: انتى يا بت أخذتى التليفون عندك؟؟؟؟

عفاف: لا يا بابا أبدااااااااا

العنتبلى: امال هتقوليله إزاى من عندك؟

عفاف: هبعتله إيميل

صرخ الأب فجأة بصوت مزعج وعالى............ ........


وإيه الى جاب الواد إيميل عندك فى الأوضة؟؟؟؟

عفاف: يا بابا اهدى إيميل مين بس دة الى عندى

أنا أقصد هبعتله جواب عالنت

تذكر العنتبلى حواره مع زينهم والورق الذى يدخل من خلف الشاشة فقال

اااااااااااااااااااااااااااه

أنا بحسب المهم بلغيه بالميعاد

وقبل أن يغادر إلتفت إليها قائلا:بقولك إيه يا عفاف

بعد ما تكتبى الجواب حطيه بالراحة عشان الشاشة ما تنفجرشى


تابعته عفاف بنظرات الدهشة والحيرة وهى تقول فى نفسها

احط إيه وشاشة إيه دى الى هتنفجر؟؟؟؟؟؟؟

وفى اليوم المحدد أتى العريس أنيقا مهتما بنفسه

بشكل ملحوظ وذو رائحة طيبة وفى أبهى صورة

واستبشر الجميع خيرا إلا أنه كما تعلمون هناك سوء تفاهم رهيب

فالأم تعرف أنه طالب فى كلية محترمة والأب يظنه صحفى مشهور

وعفاف مرعوبة من طريقة تعامل الوالدين مع العريس خاصة والدها

كما أن المفاجأة غير المتوقعة أن العريس جاء بمفرده


ياترى ايه اللي هيحصل ؟؟؟؟؟؟؟؟؟؟


CUT
الرجوع الى أعلى الصفحة اذهب الى الأسفل
معتز اللورد




البلد : الـقـاهـرة
العمل : عمل ربنا
تاريخ التسجيل : 05/11/2007

مُساهمةموضوع: رد: الحلقه الثالثه من الزواج من على النت   6th أغسطس 2008, 3:50 pm

ايه يا ترى هههههههههه فى انتظار الجزء الرابع ههههههه

ــــــــــــــــــــــــــــــــــــــــــــــــــــــــــ التوقيع الشخصي ــــــــــــــــــــــــــــــــــــــــــــــــــــــــــ





الرجوع الى أعلى الصفحة اذهب الى الأسفل
دكتور أحمد




العمر : 31
البلد : فى قلب ست الحبايب
العمل : طبيب بشرى
تاريخ التسجيل : 25/06/2008

مُساهمةموضوع: رد: الحلقه الثالثه من الزواج من على النت   6th أغسطس 2008, 5:35 pm

ههههههههههههههههههههههههههههه

جميلة اوى الحلقة يا سارة وبالذات

المنتديات دى زى

زى ايه قعدة المصطبة كدة


وكمان الحتة دى


العنتبلى: ماطبعا يا بنتى لأنه لو كان شافك مكانشى اتقدم أصلا

عفاف: وبعدين معاك بقى يا بابا............ . هو أنا وحشة اوي كدا ؟؟؟؟

العنتبلى مبتسما إبتسامة صفراء: يابت بضحك معاكى

انتى زى القمر بس عيبك الوحيد انك شبه أمك



مشكورة يا سارة على الحلقة وفى انتظار الباقى

تقبلى تحياتى
الرجوع الى أعلى الصفحة اذهب الى الأسفل
ساره




العمر : 30
البلد : الزقازيق
العمل : معلمه
تاريخ التسجيل : 27/03/2008

مُساهمةموضوع: رد: الحلقه الثالثه من الزواج من على النت   6th أغسطس 2008, 8:05 pm

ميرسى اووووووووى يا معتز على مرورك
الرجوع الى أعلى الصفحة اذهب الى الأسفل
ساره




العمر : 30
البلد : الزقازيق
العمل : معلمه
تاريخ التسجيل : 27/03/2008

مُساهمةموضوع: رد: الحلقه الثالثه من الزواج من على النت   6th أغسطس 2008, 8:07 pm

هههههه بشكرك جدا يا اخمد على مرورك ومشاركتك
الرجوع الى أعلى الصفحة اذهب الى الأسفل
 
الحلقه الثالثه من الزواج من على النت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى اللورد الشامل :: الاقـسـام الـعـامـة :: منتدى الـعـام-
انتقل الى:  
سحابة الكلمات الدلالية
الخاتم ترددات مبارك الافلام التحميل النايل الاطفال برنامج تردد القديمه وطمطم الشامل رمضان الحكمة مشاهده الشيخ اللورد مصرية بوجى الاسود الايمان السعودى اجمل افيشات قناة زهرة