منتدى اللورد الشامل


www.ellord.logu2.com
 
الرئيسيةالبوابةبحـثالمجموعاتالتسجيلدخول

شاطر | 
 

 ستة أسباب عبيطة تجعلك تتزوج عرفيا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ساره


avatar

العمر : 31
البلد : الزقازيق
العمل : معلمه
تاريخ التسجيل : 27/03/2008

مُساهمةموضوع: ستة أسباب عبيطة تجعلك تتزوج عرفيا   15th نوفمبر 2008, 6:06 pm

ستة أسباب عبيطة تجعلك تتزوج عرفيا   ابتسامات


لأن الزواج حاليا اصبح موضوع في مكانه على رف رابع المستحيلات بجوار الصديق الوفي والعنقاء والغول


فالأكيد ان الكثيرين منا توصلوا في لحظة أرشميدسية


نسبة للعالم اليوناني أرشميدس عندما اكتشف قانون الطفو وهو (بيستحمى في البانيو) فصرخ وجدتها


إلى أن الجواز العرفي هو الحل..


والتكلفة محدودة جدا..


ورقة صغيرة منزوعة من كشكول المحاضرات


المليء أصلا بعبارات الحب والهيام وليس بمحاضرات الدكتوربتاع المحاضره(...يعنى ماتخدوش فى بالكم ) + علبتين كانز للصديقين هاني وهيثم اللذين سيكونان الشهود


احنا يا باشا ماشيين قانونيابتسامات


وكمان كيس شيتوس للصديقة نهى اللي هتطرقع زغرودة في قلب الجامعة عشان نبقى عملنا الإشهار


ولما حد يسألها بتزغرد ليه هتقول له أصل أنا نجحت في امتحانات نص السنة بالرغم إننا لسه في أول نوفمبر


وكمان 30 جنيه ثمن الغرفة الراقية اللي هتأجروها في أنظف فنادقء عشان تقضوا فيها شهر العسل الذي لن يزيد عن يوم واحد فقط
بعدها ستكتشف البنت أن ما فعلته شيء شنيع جدا
هتصوت وهتلم عليك الناس


وستكون النهاية في القسم إن شاء الله
في السطور القادمة عرض لستة أسباب


عبيطة ولا مؤاخذة


يتخذها البعض ذريعة للزواج العرفي.. ولأنها أسباب عبيطة


فهي طبعا عبيطة
ولا إيه رأيكمابتسامات



*******


الاستعجالابتسامات
مافيش وقت خالص
الحياة قصيرة جدا يا جدعان
وهو أكثر الأسباب العبيطة شيوعا
تجد الولد والبنت عندما تسألهما ليه عملتم كده؟


ترد عليك البنت
بكل بجاحة ولا مؤاخذة : احنا عارفين إننا ممكن نتجوز بعد كام سنة
بس أنا مش بقدر أعيش يوم من غير ما أشوف سيد


وفي نفس الوقت ستجد سيد يقول لك في تناحة منقطعة النظير: أنا عارف إني ممكن أتجوز ست أبوها! في خلال سنتين
بس مش حرام نضيع السنين دي من عمرنا في الهوا.. يرضيك كده؟
هو طبعا يرضيني


لسبب بسيط جدا هو أن العلاقة بين الولد والبنت إذا لم تنضج على نار هادئة


فإنها ستكون نيئة


قد تجد أول قضمة منها في غاية الطعامة واللذاذة


لكن بعد كده هتحس إنك بتاكل في لحم رخيص بس مش بتاع إيناس الدغيدي
مالهوش أي طعم
بعد وقت قليل جدا هتلاقي نفسك بتدور على نوع تاني.. وطعم تاني
حكمة هذه القصة: الذي يأتي سريعا يضيع سريعا.. هذا عن الفلوس.. فما بالك بالبني آدم؟


*******


الأهل رافضينابتسامات
بابا حالف يطلق ماما لو اتجوزت سيد
لو كنت إخصائيا اجتماعيا ستجد ست أبوها تبكي بحرقة وهي تعترف لك قائلة: والله يا أستاذ حسونة أنا ماكنتش عاوزة أعمل كده
إهئ إهئ


بس سيد جه واتقدم ليا
وبابا راسه والف سيف إني ماتجوزش سيد


ماله سيد؟
وحش سيد؟
ده حتى جتة وملو هدومه


بابا طرده من البيت ورفض حتى إنه يكمل كلامه معاه وحلف بالطلاق إن سيد مايدخلش بيتنا تاني.. ليه كل ده؟
ماله سيد؟
وحش سيد؟
ده حتى كسيب وبيتاجر في الـ
في الـ.. يعني بيتاجر وخلاص


قد يحن قلب الأستاذ حسونة ويرق لـست أبوها ويقتنع بمنطقها


لكن دعونا نسأل ماذا لو كان لدى والد ست أبوها أسباب مقنعة حقا؟
ماذا لو كان سيد فعلا غير مناسب لها، أو أن الوالد يعرف عنه ما لا تعرفه هي؟
حكمة هذه القصة: رأي الأهل في الأغلب -إن لم يكن دائما- يكون على صواب.. حتى اسألوا ست أبوها


*******


الظروف الاقتصاديةابتسامات
مافيش فلوس.. حتى اسألوا نجلا
كان سيد يجلس على قهوة احلى من الشرف مافيش


وهو يشد نفس من الجوزة ثم قال لصديقه اللدود عبده توكل: كح كح


تعرف يا عبده انا اتجوزت البت ست أبوها عرفي ليه؟


ما تقول لي ليه


ما تقول يا جدع ...!


آه نسيت إنك أخرس


أقول لك أنا ليه..


عشان مافيش فلوس..


هو احنا لاقيين نشرب الجوزة..
كح كح
لما نلاقي نجيب شبكة وعفش وشقة وكلام فارغ منه ده
وبعدين مش أنا لوحدي اللي باقول كده..


ده حتى الست المحترمة اللي اسمها نجلا غنت وقالت كده..


مش هي اللي قالت بح..
خلاص.. مافيش.. .شطبنا!.. أيوه هي كان قصدها على الفلوس.. مش مصدقني.. لأ.. أنا عارف هي قصدها على الفلوس مش أي حاجة تانية
حسنا.. يمكن ان نتعاطف مع سيد لو حاول أن يعمل وفشل.. لو وقف ضده العالم كله ووضعت لافتة سيد ممنوع من العمل في كل مكان يذهب إليه..


لو دققنا النظر..
سنجد سيد جتة وملو هدومه
وده كلام ست أبوها مش كلامنا
يعني ممكن لو سند بإيده على جدار يهده
صحة يعني..


طيب ليه يا سيد ماحاولتش تشتغل واكتفيت إنك تشغل نفسك وتشرب الشيشة وتتفرج على نجلا وخلاص
حكمة هذه القصة: شرب الشيشة.. ضار جدا بالصحة


*******


التقليــدابتسامات
واشمعنى ست أبوها وسيد يعني
غريب جدا هذا السبب..
إذ تجد داليا سعيدة جدا وهي تمسك بيد أحمد بعد أن تزوجا عرفيا وهي تقول لك: كنا بنحب بعض..


ومش عارفين ممكن نقدر نتجوز امتى..


لغاية ما اتعرفنا على ست أبوها وسيد..
هم اللي قالوا لينا على الطريقة المفتكسة دي.. وماتكلفناش حاجة..


ممكن نبقى نقول لأهلنا بعدين..
عشان نحطهم قدام الأمر الواقع..
لما أكون خلفت ياسمين وشادي..
أنا ناوية أسميهم كده..
كنت فكرت أسميهم ست أبوها وسيد..
وبعدين لاقيت الاسمين دول فرافيري شوية
جميل..


هذا منطق خاطئ مائة بالمائة..
الأمر أشبه بتقليد الغرب في ملابسهم وسلوكياتهم دون أي فهم. ودون أي رجوع لعاداتنا وتقاليدنا.. ما يصلح لـزيد لا يصلح
لـعبيد فما بالك إذا كان مايفعله زيد غلط أصلا.. هل تقلده في غلطه؟! سامعنا يا عبيد؟
حكمة هذه القصة: زيد يخطئ كثيرا.. حتى اسألوا عبيد


*******


التجــربةابتسامات
ده الواحد لما بيشتري قميص جديد.. بيجربه
في الأغلب ستشعر أن سيد وست أبوها يعانيان من مرض شهير اسمه البلاهة منقطعة النظير..


وذلك عندما يقولان لك في ثقة احنا قلنا نجرب..


بدل ما نعمل حاجة في الحرام..


قلنا نتجوز عرفي..


لو اكتشفنا إن الجواز بينا حلو..


وإننا مرتاحين لبعض..
وإننا ممكن نكون أسعد زوجين في العالم..
أكيد أكيد.. هنعلن جوازنا..
وهنتجوز رسمي..


ياريت تفهمونا.. وبلاش رجعية
كل حاجة اليومين دول قابلة للتجريب..


والمفروض الجواز يكون أول الحاجات دي..
ده حتى الواحد لما بيشتري قميص جديد..
بيجربه


الأكيد إنك وقتها ستحتاج إلى أطنان من الثلج لتضعها على جسدك كله حتى تكون باردا وهادئا لكى تتكلم معهم وتقول لهم: جميل جدا.. لكنك عندما تجرب قميصا فإنك تفعل ذلك في المحل وأمام الزبائن وصاحب المحل..
فلا يمكن أن تسرق القميص وتجري به إلى غرفة البروفة لتجربه دون موافقة صاحب المحل..


ثم تعالوا
نتخيل رد الفعل إذا قطعت كم القميص وأنت تجربه..
مش إنت برضه اللي هتدفع تمنه..
فما بالك.. بقميص تقطع بالكامل وإنت بتجربه.. من يدفع الثمن؟
حكمة هذه القصة: لا تشترِ قمصانا من محل معروف بأنه يبيع ملابس مضروبة


*******


[size=24]الحب  [/size] ابتسامات
عندما اراها بعيدة عني يذوب قلبي
ربما يكون هذا السبب هو أكثر الأسباب التي تبدو منطقية من وجهة نظر المقدمين على الزواج العرفي..


ستجد سيد ينظر إليك مسهما وهو يقول بحبها ياض!.. ده حتى خلتني اكتب فيها كلام بالفصحى..
فسح كده في القعدة..
واسمع.. عندما أراها بعيدة عني يذوب قلبي ويصبح... كحبة فيتامين سي عندما تضعها هي بأناملها الرقيقة في كوب من عصير القصب..آآآ.. من الماء!..
شفت الحب عمل فيا إيه


وستجد ست أبوها تقول لأختها الصغيرة وهي تغسل الأطباق بعد الغذاء وهي تتأمل في خيط المياه المتقطع الذي ينزل من الحنفية: تعرفي أنا بحب سيد موت..


ده خلاني اكتب عنه كلام بالفصحى..


حتى اسمعي.. عندما اراك يا سيد..
تتجمع ذرات قلبي التي ذابت كقرص فيتامين سي في كوب من الماء عندما ابتعدت عني


لتعود مرة أخرى وتسكن في صدري..


واشعر بطعم البرتقال الحقيقي الذي غاب عني كثيرا! شفتِ الحب عمل فيا إيه؟
بعد ذلك يقرر سيد وست أبوها الزواج العرفي..
لأنه كوب الماء الوحيد الذي يمكن أن يجمع بين قرصي فيتامين سي.. نقصد بين قلبيهما


جميل جدا..
لكن دعونا نسأل..
ماذا لو انكسر الكوب؟
بل ماذا لو تم وضع قرصي فيتامين سي في كوب من الماء المالح..
هل سيكون هناك طعم للبرتقال؟
حكمة هذه القصة: قرص فيتامين سي.. يعالج البرد.. لا الحب


*******


انا بقى عايزة رايكم فى الموضوع ده الجواز العرفى اللى بقى موضه ياترى اسبابه ايه وطرق علاجه؟
الرجوع الى أعلى الصفحة اذهب الى الأسفل
الخاتم الاسود


avatar

العمر : 49
البلد : حبي لتركيا
العمل : مدرس
تاريخ التسجيل : 08/10/2008

مُساهمةموضوع: رد: ستة أسباب عبيطة تجعلك تتزوج عرفيا   15th نوفمبر 2008, 6:22 pm

رهييييييييبه

يا : ساره

وموضوعك مررررره مضحك وفيه لمسات على الحياة الصعبه

بس أحب أقولك شيء :

( لاتقنطو من رحمه الله )

فانه لايقنط من رحمه الله الا القوم الظالمون

من أحب الزواج أو يبغ يتزوج

فليدع الله في كل سجه

وشوف رحمته

تسلمي على الموضوع الهااااام ده والله يعطيك العافيه

تحياتي
الرجوع الى أعلى الصفحة اذهب الى الأسفل
ساره


avatar

العمر : 31
البلد : الزقازيق
العمل : معلمه
تاريخ التسجيل : 27/03/2008

مُساهمةموضوع: رد: ستة أسباب عبيطة تجعلك تتزوج عرفيا   24th نوفمبر 2008, 6:06 pm

ميرسى اوووووووى يا خاتم على مشاركتك الذى زادة الموضوع تالق ونورا  بشكرك جدا على مرورك  ليه معظم الناس بتحكم على غيرهم بالمظهرررر..؟؟؟؟
الرجوع الى أعلى الصفحة اذهب الى الأسفل
الخاتم الاسود


avatar

العمر : 49
البلد : حبي لتركيا
العمل : مدرس
تاريخ التسجيل : 08/10/2008

مُساهمةموضوع: رد: ستة أسباب عبيطة تجعلك تتزوج عرفيا   24th نوفمبر 2008, 6:57 pm

العفـــو

أختي الكريمه : ســـــــاره

على كلماتك المبدعه في المعنى


تحياتي

الرجوع الى أعلى الصفحة اذهب الى الأسفل
 
ستة أسباب عبيطة تجعلك تتزوج عرفيا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى اللورد الشامل :: الاقـسـام الـعـامـة :: منتدى الـعـام-
انتقل الى:  
سحابة الكلمات الدلالية
وطمطم برنامج مصرية افيشات السعودى الشيخ اجمل زهرة القديمه رمضان مبارك الشامل الحكمة التحميل الخاتم مشاهده الاسود قناة الافلام تردد اللورد الايمان بوجى ترددات الاطفال النايل