منتدى اللورد الشامل


www.ellord.logu2.com
 
الرئيسيةالبوابةبحـثالمجموعاتالتسجيلدخول

شاطر | 
 

 من خاف سلم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mohsen hassan




العمر : 62
البلد : مصر / مدينة نصر
العمل : محاسب بهيئة دولية
تاريخ التسجيل : 04/04/2010

مُساهمةموضوع: من خاف سلم   30th أبريل 2010, 10:04 pm


من خاف سلم


بالمثل الشعبى المصرى:

س1: بما تصف العلاقات المصرية الاسرائيلية؟
ج1: يا بخت من بات مظلوم و مبتش ظالم

س2: بما تفسر الموقف العربى أمام الأوضاع فى غزة؟
ج2: إذا كان الكلام من فضة فالسكوت من ذهب

س3: بما تصف العلاقات المصرية الأمريكية؟

ج3: اللى أكله ما هو من فأسه ... رأيه ما هو من رأسه

س4: بما تصف سياسة مصر الخارجية؟
ج4: دسنا الأرض اللى ما تنداس و بوسنا اليد اللى ما تتباس لا نابنا لا ذهب و لا نحاس

س5: ما هى سياسة مصر الداخليه؟
ج5: أضرب المربوط يخاف السايب

س6: ما هو نظام الحكم فى مصر؟
ج6: سمك لبن تمر هندى

س7: ما هو موقف الأخوان المسلمين من الحكم؟
ج7: عينى فيه و أقول أخيه

س8: بما تفسر الأداء الحكومى المصرى؟
ج8: إن كان هذا يكيدك أنا أزيدك

س9: بما تصف التصريحات الحكوميه؟
ج9: أسمع كلامك أصدقك أشوف أمورك أستعجب

س10: بما تصف زيادة معدل النمو فى مصر؟
ج10: إن كان الكذب حجة فالصدق أنجى

س11: بما تفسر التغيير الوزارى؟

ج11: ايه يعمل الترقيع فى الثوب البالى

س12: بما تصف الأخبار فى الصحافة الحكومية؟
ج12: قالوا الجمل طلع النخلة أدى الجمل و أدى النخله

س13: بما تفسر ميزانية برنامج البيت بيتك؟
ج13: اللى يعوزه البيت يحرم على الجامع

س14: بما تفسر تضخم ثروة أحمد عز؟
ج14: سبحان العاطى الوهاب من بعد الشبشب و القبقاب

س15: ما هو الفرق بين حزب الوفد و حزب الجبهة الديمقراطية؟
ج15: لا تعايرنى ولا أعايرك دا الهم طايلنى و طايلك

و فى النهاية أعزائى بعد ما شفنا قدرة المثل الشعبى المصرى على تلخيص الكثير من القضايا أحب أنهى حديثى بمثل شعبى أيضا لكنه فى تقديرى كان سبب من أسباب تعاسة الشعب المصرى ألا و هو:

' اللى تعرفه أحسن من اللى ماتعرفوش'

و طبعا هذا المثل إجابه لسؤال معروف أتركه لذكاء حضراتكم اعمالا بالمثل الشعبى الذى يقول

من خاف سلم
الرجوع الى أعلى الصفحة اذهب الى الأسفل
زهرة الايمان




العمر : 29
البلد : القاهره
العمل : لا
تاريخ التسجيل : 16/02/2010

مُساهمةموضوع: رد: من خاف سلم   14th يونيو 2010, 1:29 am

السلام عليكم ورحمه الله وبركاته
تسلم ايدك موضوع هايل جدا
مش محتاجه ذكاء واضحه
مزيد من التفوق
تقبل تحياتى
الرجوع الى أعلى الصفحة اذهب الى الأسفل
معتز اللورد




البلد : الـقـاهـرة
العمل : عمل ربنا
تاريخ التسجيل : 05/11/2007

مُساهمةموضوع: رد: من خاف سلم   14th يونيو 2010, 3:41 pm

ههههههههه انا مش عارف تقصدة مين ياريت تعرفونى تقصده
ايه بـ : اللى تعرفه أحسن من اللى ماتعرفوش'
منتظر رد الشجاع منكم

ــــــــــــــــــــــــــــــــــــــــــــــــــــــــــ التوقيع الشخصي ــــــــــــــــــــــــــــــــــــــــــــــــــــــــــ





الرجوع الى أعلى الصفحة اذهب الى الأسفل
زهرة الايمان




العمر : 29
البلد : القاهره
العمل : لا
تاريخ التسجيل : 16/02/2010

مُساهمةموضوع: رد: من خاف سلم   14th يونيو 2010, 3:52 pm

السلام عليكم ورحمه الله
مادام ضحكت ده اكبر دليل انك عارف , وانا متأكده أنك عارف
ياريت تكون حضرتك الاحسن وتبدى أنت بالشجاعه
وعلى الاقل تكون ابتديت بنفسك
عش عزيزا أو مت وأنت كريم
الرجوع الى أعلى الصفحة اذهب الى الأسفل
معتز اللورد




البلد : الـقـاهـرة
العمل : عمل ربنا
تاريخ التسجيل : 05/11/2007

مُساهمةموضوع: رد: من خاف سلم   14th يونيو 2010, 8:47 pm

انا بضحك على انكم عرفين حاجة بس خيفين تقولوها عندنا هنا فى
المنتدى ديمقراطية لا تقلقة ياريت القى حد شجاع ههههههههه

ــــــــــــــــــــــــــــــــــــــــــــــــــــــــــ التوقيع الشخصي ــــــــــــــــــــــــــــــــــــــــــــــــــــــــــ





الرجوع الى أعلى الصفحة اذهب الى الأسفل
mohsen hassan




العمر : 62
البلد : مصر / مدينة نصر
العمل : محاسب بهيئة دولية
تاريخ التسجيل : 04/04/2010

مُساهمةموضوع: رد: من خاف سلم   15th يونيو 2010, 9:00 am

يالورد ( كلمة لورد نظام ملكى مش نظام جمهورى ) لما تكتب فى بياناتك من جهة أمنية تفتكر الواحد يعمل إيه ؟؟؟؟؟؟؟؟

بس بالمناسبة عندى سؤال لأى حد فى مصر لو أصبح رئيس جمهورية مصر ماذا سوف يفعل أنا متأكد بعدم وجود فرد فى مصر يرغب فى تولى هذا المنصب - وعلى رأى اختنا الفاضلة دينا انت عارف وأنا عارف وهى عارفة يعنى كلنا عارفين - بس هى المشكلة احنا عارفين إيه
الرجوع الى أعلى الصفحة اذهب الى الأسفل
معتز اللورد




البلد : الـقـاهـرة
العمل : عمل ربنا
تاريخ التسجيل : 05/11/2007

مُساهمةموضوع: رد: من خاف سلم   15th يونيو 2010, 12:40 pm

برده محدش جاوبنى انا كنت بحسبك يا محسن شجاع وهتقولى ايه اللى
مش عيزنى اعرفه طلعت انت ودينا عندكم تحفظ وخوف
لو مش هتقدرة تقولو قولولى مش هنقدر هنقول .؟؟

ــــــــــــــــــــــــــــــــــــــــــــــــــــــــــ التوقيع الشخصي ــــــــــــــــــــــــــــــــــــــــــــــــــــــــــ





الرجوع الى أعلى الصفحة اذهب الى الأسفل
mohsen hassan




العمر : 62
البلد : مصر / مدينة نصر
العمل : محاسب بهيئة دولية
تاريخ التسجيل : 04/04/2010

مُساهمةموضوع: رد: من خاف سلم   15th يونيو 2010, 1:39 pm

يا لورد - انت ليه فى كلمات بتعمل نفسك مش واخد بالك منها - يعنى إيه من جهة أمنية - عدت زى الفل دون تعليق - عموما انا اقصد الريس متقال اللى الشاعر احمدفؤاد نجم نازل فيه قصايد مدح - طيب إيه رأيك زى ما أنت رئيس المنتدى تبقى رئيس الجمهورية - خد بالك انا ماقلتش جمهورية إيه
الرجوع الى أعلى الصفحة اذهب الى الأسفل
معتز اللورد




البلد : الـقـاهـرة
العمل : عمل ربنا
تاريخ التسجيل : 05/11/2007

مُساهمةموضوع: رد: من خاف سلم   15th يونيو 2010, 3:36 pm


هههههههههه برده مفهمتش ماله الريس متقال ما مات الله يرحمه
فى حاجة اتقالت عنه ولا ايه اما انا اى نعم رئيس المنتدى بس ديمقراطى بمعنى
ان المنتدى بتاع كل شخص فيه يعنى بتاعك وبتاع كل شخص مشترك فيه
وأظن حضرتك حاسس بكده . بس ياريت توضحولى معنى اللى تقصدوة
علشان برده مفهمتش .
وبالنسبة لسؤالك جهة أمنية .. يعنى ظابط (( ايقاع فى فرقة رضا ))

ــــــــــــــــــــــــــــــــــــــــــــــــــــــــــ التوقيع الشخصي ــــــــــــــــــــــــــــــــــــــــــــــــــــــــــ





الرجوع الى أعلى الصفحة اذهب الى الأسفل
mohsen hassan




العمر : 62
البلد : مصر / مدينة نصر
العمل : محاسب بهيئة دولية
تاريخ التسجيل : 04/04/2010

مُساهمةموضوع: رد: من خاف سلم   15th يونيو 2010, 5:52 pm

يالورد تفتكر انت مع الاهلى فى أنه يتعاقد مع حسنى عبدربه
ولا يترحم على على مبارك - متهيألى كده بقت واضحة -
طبعا حاتقولى وماله جمال حمزة - ولا نحكى عن قضية سوزان تميم -
مش ممكن تكون لغاية دلوقتى مش واضحة - وبعدين انا لم اطلب اجابة بس انا حا أرد عليك وحا أقول لك ان رئيس اللجنة العليا بتاعنا فى الشغل هو حسنى مبارك ده حقيقى فعلا - متهيألى كده بقى الكلام فى منتهى الصراحة
الرجوع الى أعلى الصفحة اذهب الى الأسفل
معتز اللورد




البلد : الـقـاهـرة
العمل : عمل ربنا
تاريخ التسجيل : 05/11/2007

مُساهمةموضوع: رد: من خاف سلم   16th يونيو 2010, 8:57 pm

هههههههههههه يا جباااااااااااااان انا على فكرة فهمت من اول لحظة تقصد ايه
بس كنت بختبر الشجاع اللى هيقول الصراحة تقصد الرئيس مبارك
على فكرة هو كـ شخصية كويس بس بعض الشخصيات اللى تحته مش شيفين
شغلهم على اكمل وجه ايه رايك فى شجعتى تبقى افتكرنى بقى بالعيش والحلاوة
هههههههههه .

ــــــــــــــــــــــــــــــــــــــــــــــــــــــــــ التوقيع الشخصي ــــــــــــــــــــــــــــــــــــــــــــــــــــــــــ





الرجوع الى أعلى الصفحة اذهب الى الأسفل
mohsen hassan




العمر : 62
البلد : مصر / مدينة نصر
العمل : محاسب بهيئة دولية
تاريخ التسجيل : 04/04/2010

مُساهمةموضوع: رد: من خاف سلم   17th يونيو 2010, 8:35 am

يالورد - اذا كنت قلت أنه رئيس اللجنة العليا عندنا - يعنى مش رئيس الجمهورية وبس -كده الذنب يبقى أثنين - انت الذنب بتاعك واحد - يعنى أنا حا أضرب مرتين هههههههه

وبعدين عايز أقولك حاجة على فكرة أنا عندى حصانة انت ما أخدتش بالك أنى فى هيئة دولية وبعدين بلاش نخش فى الناس اللى تحت والناس اللى فوق - سيدنا أبو بكر الصديق عند توليته الخلافة ( هذا على ما أتذكره ) - قال وليت عليكم وليس بأفضلكم - اذا اخطأت فقومونى وإذا اصبت بأعينونى - من منا يستطيع أن يقوم حد - متهيألى كفاية كده احسن المنتدى سوف ينقلب إلى منتدى سياسى
الرجوع الى أعلى الصفحة اذهب الى الأسفل
معتز اللورد




البلد : الـقـاهـرة
العمل : عمل ربنا
تاريخ التسجيل : 05/11/2007

مُساهمةموضوع: رد: من خاف سلم   17th يونيو 2010, 3:36 pm

ربنا يكون فى عونك انت عندك اثنين الناس مستحملة واحد القي اثنين هنا
والشغل ههههههه وعندك حق فى وجهة نظرك احييك عليها .

ــــــــــــــــــــــــــــــــــــــــــــــــــــــــــ التوقيع الشخصي ــــــــــــــــــــــــــــــــــــــــــــــــــــــــــ





الرجوع الى أعلى الصفحة اذهب الى الأسفل
 
من خاف سلم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى اللورد الشامل :: الاقـسـام الـعـامـة :: منتدى الـعـام-
انتقل الى:  
سحابة الكلمات الدلالية
الشامل الحكمة وطمطم الشيخ السعودى مصرية افيشات النايل قناة زهرة بوجى مشاهده اللورد برنامج الاطفال ترددات الاسود تردد الافلام القديمه مبارك الايمان اجمل التحميل الخاتم رمضان