منتدى اللورد الشامل


www.ellord.logu2.com
 
الرئيسيةالبوابةبحـثالمجموعاتالتسجيلدخول

شاطر | 
 

 ما تيجى مرة نزور مأوى العجزة ( دار مسنيين )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mohsen hassan




العمر : 62
البلد : مصر / مدينة نصر
العمل : محاسب بهيئة دولية
تاريخ التسجيل : 04/04/2010

مُساهمةموضوع: ما تيجى مرة نزور مأوى العجزة ( دار مسنيين )   4th مايو 2010, 9:09 pm


الأرحام وبر الوالدين ..
بصو يا إخواني الأحباب في الله .. هنا في الموضوع ده انا بوجه كلامي لكل الشباب سواء ذكور او إناث وخاصالسلام عليكم روحمة الله وبركاته


إزاايكم يا أحبابي في الله .. عايز نتكلم فى موضوع مميز
علشان نحقق غااااية من الإحسان والتقوى الي افتقدناها الايام دي والرررررررحمة التي قد قتلناها في قلوبنا واندفنت بين ثنايا الدهر .. هنتعاااااهد هنا كلنا مع بعض - أن لا يمر يوم إلا وقد قمنا بدفع صدقة وصلة ة الذكور

عمرك فكرت يا أخي العزيز إنك تزوور أحد دورالمسنيين ؟؟؟؟ ... هل خطر على بالنا أن نذهب إلى هناك .. حتى نتأمل عالما من المشاعر المتضاربة ...؟؟؟!!!
هل فكرنا فى يووووم من الأيام إننا نزوووور الآباء والأمهات اللذين قد عجز لسانهم عن البوح بالالم الذي قد زرع في قلوبهم في اليوم الذي جاؤوو فيه إلى المكان الذي قد سميناااااااه نحن دار المسنيين
سؤال بسيط هسالو ليك يا أخي العزيز وهسالو لنفسي ولينا كلنا
بجد ..... بتحب إنو يجيي ابنك في يوم من الايام يدخلك دار المسنيين ويرميك فيه .. كما تُرمى الآلة القديمة......؟؟؟.... بجد تحب انو يجي ابنك ولا بنتك في يوم يقلك ياللا يا والدي هاخدك لمكان اسمه دار المسنيين ....؟؟؟!! وكإن ابنك بقلك .. يا والدي انت بقيت حمل تقيل على قلبي وزهقت منك .. ومافيش مكان هيلمك إلا ما أسميناااااااااه احنا .. دار المسنيين ... والعياااذ بالله
إيه يا جمااااااعة الخير .. إيه اللي جرى للدنيا .. فاتت علينا سنين وأحنا شغالين في حاجة اسمها دار المسنيين ....!!!!... ونقيمه في كل مكان .. يعني إيه يا إخوان .. احنا بنشجع العقوق ..؟؟؟!!!... بنعمّر حاجة أساسا هي من احد أسباب دمار الارض ... سبحان الله ... مافكرناش إن التوفيق في الحياة بعبادة الله وبرضى الوالدين .. ده حتى دعوة واحدة لك من أمك تخليك أسعد انسان على وجه الأرض .. كلمة الرضى اللي افتقدناااااها بجد والله العظيم افتقدناااااها الأيام دي .. تلاقي الشباب بيتخبط في الدنيا دي .. ولو رجعنا لسبب حقيقي نجد والله عقوق الوالدين أحد اسباب عدم الوفيق في الحياة والتخبط فيها كالأعمى والأصم ..الله المستعااااان
كلمة دار مسنيين أو مأوى العجزة وهوالأسم الصحيح يا إخوان تطلق على المكان الذي يلجأ إليه الإنسان علشان يداري نفسه ويستر نفسه من العيشة في شارع ولا فى زريبة ولا فى إسطبل ماتفرقش .. إزاااي نقبل على أمة محمد عليه أفضل الصلاة والسلام .. إنها تنهاااان بالطريقة دي .. أبوية وأبوك وأبوكي .. أمك وأمي وأمها .. كلهم أهالينا .. فين الترابط الأسري فين بر الوالدين .. إزاااااااي أحط أمي فى مأوى للعجزة وانا موجوووووووووووود ؟؟؟؟.!!!!... طيب واحنا رحنا فييييييييييييين وعااايشين ليييييه أساسا ... قال الله تعالى وَقَضَى رَبُّكَ أَلاَّ تَعْبُدُواْ إِلاَّ إِيَّاهُ .. سبحان الله .. واحنا بقى مننا اللي يعبد فلانة من الحب وتعبد فلان من الحب .. الله المستعان .. وَبِالْوَالِدَيْنِ إِحْسَانًا .. وأمتنا احسنت كتير لدرجة إنو بقى في تنين وعشرين مليون أب وأم قد رُمِيُوا في مآوي العجزة ومافيش حد بيسأل عليهم إطلاااااقا .. والعيااااذ بالله .. إِمَّا يَبْلُغَنَّ عِند----- الْكِبَرَ .. عندك .. ياااااا عبد الله .. عندك في بيتك زي ما هم ربوك سنييييييين في بيتهم وحضنوووك وطلّعووووك أحسن جدع .. أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ .. ودلوقتي تلاقي العيّل اللي عنده اربع سنين بيقول لأمه أففففففففف أنا زهقت .. الله المستعااااان .. هو انت شفت حاجة يابني علشان تتأفف بالشكل ده ؟؟!!!!... سبحان الله .. وَلاَ تَنْهَرْهُمَا .. خللي بالكم يا إخوان كلمة تَنْهَرْهُمَا هنا مش سهلة خاااااااالص .. النهر والنتر والنفر .. ده اسلوب في علم النفس بيستخدم لتربية نوع من الاطفاال المزاجيين .. بمعنى إن الطفل الصغير لما بيخطأ نستخدم معاه اسلوب النهر .. ننهره وننفر منه للتعزير والردع .. بص الفرق هنا ازاااي .. في علم النفس للمسنين عندما يصلون إلى سن الشيخوخة بيبان عليهم الضعف زي الاطفال بالزبط .. ما بيفضلش في مسؤوليات عليهم علشان كدة بيبقى الكبير في السن بحب يعلّق على أي حاجة وبدقق كتير وبيتكلم كتيير كناية عن اثبااات وجود همّا مفتقدينو .. لكن الله سبحانه وتعالى بعلٍّمنا الرحمة والحب بعرّفك المسؤوووولية الكبيييرة اللي عليييك اتجاااااااه والدك ووالدتك .. فيقلك وَلاَ تَنْهَرْهُمَا .. ماتنهرش فوش أبوك ولا أمك وتحسسهم بإنك زهقااااان ومتدااايق وخللي بالك انو ده من عقووق الوالدين والعياذ بالله .. وَقُل لَّهُمَا قَوْلاً كَرِيمًاِ .. حسسهم بقيمتهم اكرمهم حافظ عليهم زي مابتحافظ على عنيك .. ان شالله حتى لو قطعوووك حتت .. لازم تقوووول لنفسك .. لاااااااااااا دي أمي إللي حملتني تسع شهور في بطنها وتحملت العزاااب والألم .. ده واااالدي إللي صرف دم قلبو علية وعلى تعليمي .. دي أمي إللي ياااامااا سهرتلي لياااالي .. أوعى تغلط يا أخي في الله .. دي مش أمك لوحدك .. دي أمي برضو وده أبوووية كمان .. ماقبلش إنهم يتهاااانو بالشكل ده
آآآآآآآآآآآآآآآآآآآه
مآآآآوي العجزة .. بكل مافيه .. تنظر إلى عيون أم تحدق بك تظن أنك ابنها الذي لم تعد تتذكر شكله .. عشريييييييين سنة وهى بتستنى ان ابنها يسأل عليها وللأسف .. تنظر في عيون أم ثانية .. ترى أن وراء هذا الصمت محيطاااااات من الدمع المدفووون .. ونحن ندّعي الغباااء .. بتبص فى عنيهم يا جمااااعة الخير .. تلاقي سحر غريب كدة فيهم .. برغم الألم إللي هم عايشينه .. برغم الأسى من عقوق أبنائهم لهم .. تلاقيهم ومازاااالو بيدعوا لأولادهم إللي مش فاكرين شكلهم عامل ازااااي .. الله المستعاااااااان .. والله يا جماعة حاجة توجع القلب فعلا
...........................

وهنا عايز نفكر مع بعض شوية ازاى نعمل أى حاجة فى محاولة وأنا متأكد أنها يائسة -
متهيألى أن أول خطوة هتكون هو زرع الحب والإحسان في قلوب الأجيااال حتى نمنع تزايد عدد كبار السن اللي بيدخلو مآوي العجزة .. ونرجع من تاني أمة واحدة بقلب واحد .. نتحمل المسؤوووولية .. مافيش حاجة اسمها عقوق والدين والعياذ بالله .. حتى بعد الممااااااات يبقى هناك بر الوالدين سبحان الله
خلينا نجرب نزور أحد مآوي العجزة ونشوف بعنينا الأهالي عاملة ازااي .. نحاول نحس بالكم الهائل من الحطام اللي انوجد في قوبهم .. والحسرة والاسى على ابن او بنت .. قد تخلوا عن وآبائهم .. علشان حاجات دنيوية .. عايزين يرتاحو من عناء الخدمة .. وفي المقابل .. الام بتموت في اليوم الألف موتة .. من أجل راحة طفلها الصغير اللي هم احنا .. أرجوووكم يا أحبابي في الله .. نحاول على قد مانقدر نبعث السعادة في قلوب آباء وأمهات .. قد نسيهم أولادهم في لحظة ضعف من الشيطان والعياذ بالله

وفي حديث عن الرسول عليه افضل الصلاة والسلام
أخبرنا الحسن بن سفيان ، قال: حدثنا هدبة بن خالد ، قال: حدينا حزم بن أبي حزم ، عن ثابت البناني : (عن أبي بردة قال: قدمت المدينة، فأتاني عبد الله بن عمر فقال: أتدري لم أتيتك؟ قال: قلت: لا. قال: سمعت رسول الله صلى الله عليه وسلم ، يقول: ((من أحب أن يصل أباه في قبره، فليصل إخوان أبيه بعده)). وإنه كان بين أبي عمر، وبين أبيك إخاء وود، فأحببت أن أصل ذاك.).


وفي حديث آخر عن بر الأبناء للأم


أخبرنا عبد الله بن محمد الأزدي ، قال: حدثنا إسحاق بن إبراهيم ، قال: أنبأنا جرير ، عن عمارة بن القعقاع ، عن أبي زرعة : (عن أبي هريرة قال: ((جاء رجل إلى رسول الله صلى الله عليه وسلم، فقال: من أحق الناس بحسن صحبتي؟ قال: ((أمك))، فقال: ثم من؟ قال: ((أمك)). قال: ثم من؟ قال: ((أمك))، قال: ثم من؟ قال: ((أبوك)).).


أما هذا الحديث فوالله ان رسول الله صلى الله عليه وآله وسلم يعلمنا البر في كبار السن من بعد الوالدين


أخبرنا محمد بن عمر بن يوسف بنسا ، قال: حدثنا يعقوب الدورقي ، قال: حدثنا أبو معاوية : قال: حدثنا محمد بن سوقة ، عن أبي بكر بن حفص : (عن ابن عمر قال: أتى رسول الله صلى الله عليه وسلم رجل، فقال: يا رسول الله، إني أذنبت ذنباً كبيراً، فهل لي من توبة؟ فقال له رسول الله صلى الله عليه وسلم: ((ألك والدان))؟ قال: لا، قال: ((فلك خالة))؟ قال: نعم، قال: ((فبرها إذاً)).).


أخبرنا الحسن بن سفيان ، قال: حدثنا حبان ، قال: أنبأنا عبدالله ، عن عبدالرحمن بن سليمان ، عن أسيد بن علي بن عبيد الساعدي ، عن أبيه عن أبي أسيد : (قال: أتى رسول الله صلى الله عليه وسلم ، رجل من بني سلمة ، وأنا عنده، فقال: يا رسول الله، إن أبوي قد هلكا، فهل بقي لي بعد موتهما من برهما شيء؟ قال رسول الله صلى الله عليه وسلم : ((نعم، الصلاة عليهما، والاستغفار لهما، وإنفاذ عهودهما من بعدهما، وإكرام صديقهما، وصلة رحمهما التي لا رحم لك إلا من قبلهما)). قال الرجل: ما أكثر هذا، يا رسول الله، وأطيبه!.. قال : ((فاعمل به)) .).


سبحااان الله
الرجوع الى أعلى الصفحة اذهب الى الأسفل
 
ما تيجى مرة نزور مأوى العجزة ( دار مسنيين )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى اللورد الشامل :: الاقـسـام الـعـامـة :: منتدى الـعـام-
انتقل الى:  
سحابة الكلمات الدلالية
الخاتم قناة مبارك الاطفال وطمطم ترددات اجمل تردد بوجى الايمان الحكمة التحميل السعودى رمضان القديمه برنامج الشيخ مشاهده زهرة الشامل اللورد الاسود افيشات الافلام النايل مصرية