منتدى اللورد الشامل


www.ellord.logu2.com
 
الرئيسيةالبوابةبحـثالمجموعاتالتسجيلدخول

شاطر | 
 

 نصائح ابله طازه فيه ؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الخاتم الاسود




العمر : 48
البلد : حبي لتركيا
العمل : مدرس
تاريخ التسجيل : 08/10/2008

مُساهمةموضوع: نصائح ابله طازه فيه ؟؟؟   3rd نوفمبر 2010, 8:44 am

انستى العزيزة .... لو ربنا فك عقدتك واتخطبتى ...فاليكى نصائحى ، لتاخذى بيد خطيبك من مركب الخطوبه ( اللى محدش عارف هترسى على ايه ) الى مثواه الاخير فى قفص الزوجية السعيد .


طبعا كلنا عارفين ان اجمل ما فى فترة الخطوبة الخروجات والعزومات فى احلى محلات فالبلد ( والى عمرك مانتى شيفاها بعد الجواز )

المهم لما تخرجى مع خطيبك لازم تاخدى بالك من الحاجات دى :

- الاول وقبل ما تبدأى تاكلى لازم تعرفى ان الشوكه والسكينه بيتمسكو من ايديهم من الطرف يعنى مش من الوسط ولا من البوز زى الخنجر .!!

- العيش اوعى تفضحينا وتقطعيه بسنانك ، ولا الرغيف نصين باديكى وتعملى كل نص لقمه وتحشرى .. اوعى ..
العيش بيتقطع بالسكينه فى الطبق وبعدين تاخديه لقمه لقمه بالعافيه قال يعنى ملكيش نفس اضغطى على نفسك شويه ولما تروحى ابقى حفى زى مانتى عايزة.

- الشوربه...... ابوس كعب رجلك بند الشوربه ده مهم جداااااا :
الشوربه تتشرب من غير صوت خالص ومن غير متقعدى تنفخى فيها زى القهوجى اللى بينفخ فالحجر للزبون ، وطبعا لازم تنسى خاااااالص السلطانيه اللى بترفعيها على بؤك فى البيت وتدلدقى على روحك ......
اشربيها بالمعلقه وبدون صوت سخنه مولعه برده بدون صوت وتسيبى تلت الطبق عالاقل مش تميلى الطبق عشان تلهطيها لاخر نقطة .

- الرز طبعا بيتاكل بالشوكه اوعى ايدك تتمد عالمعلقه .. وتغرفى من طبق الرز وتعبى ..اوعى .. الرز بالشوكه وكانك بتبوسيه مش بتكليه .

- المكرونه الاسباكتى بردو بالشوكه تتلف على طرف الشوكه لحد متخلص وبعدين تحطيها فى بؤك من سكات ومن غير متشفطيها عود عود .

- السمك ده بقا مشكله لازم تفصلى اللحم عن الشوك الاول عشان تعرفى تاكليه والا هتبقى فضيحه وجرسه شوفى ...........
بتقطعى اللحم بالسكينه من النص بالطول ، وبعدين تفردى الحم ع الجانبين ولما تخلصى ناحيه متقلبيش السمكه ......بلاش فلح .......شيلى السلسله بالشوكه و السكينه وحطيها فى جنب الطبق وكملى اكل النص التانى . اقولك حاجه متكليش سمك من اصله وقوليله مبحبوش وخلصى نفسك .

- الجمبرى ( لو كنتى عارفاه ) لما ينزل طبق الجمبرى بصيله بقرف واحتقار قال يعنى زهقانه من كتر اكله فالبيت واتنهدى جامد وقولى جمبرى تانى؟؟؟؟؟؟؟؟؟
وتروحى قاطعه راس الجمبريايه بالشوكه انا فى عارضك انسى المصمصة دلوقتى .

- البطاطس سواء مسلوقه او محمرة اوعى تدبيها ع الرز وتهرسيها وتدى لالالالالالا واحده واحده بالشوكه وبعدين كلى الرز وراها .

- الفاكهة . لو الفاكهة فيها بذر طلعيه من بؤك بالراحة وحطيه فى ايدك وهى مقفوله وبعدين فى الطفايه اللى ع الترابيزة واوعى ياحبيبتى من نظام تفتفه البذر .....انسى .

- ولما تخلصى اكل تحطى ايدك على بطنك اللى عصافيرها بتصوصو وتقوليله : مش ممكن انا عمرى ما اكلت كده ابدا
انا هقعد اسبوع مكلش .

- وبعدين تمسكى الفوطه اللى محطوطه عالترابيزة من غير لازمه وتبوسيها برقه قال يعنى بتمسحى بؤك .

- وبعدين تستاذنى منه لدخول التواليت عشان تصلحى مكياجك وتخشى الحمام وتطلعى من شنطة ايدك لفة الفول والطعميه اللى جايباها معاكى ..................

وبالهنا والشفاااااااااااا
الرجوع الى أعلى الصفحة اذهب الى الأسفل
mohsen hassan




العمر : 62
البلد : مصر / مدينة نصر
العمل : محاسب بهيئة دولية
تاريخ التسجيل : 04/04/2010

مُساهمةموضوع: رد: نصائح ابله طازه فيه ؟؟؟   3rd نوفمبر 2010, 11:56 am

فى قسم المنتدى العام - بتاريخ 1/5/2010 حاتلاقى موضوع أسمه نصيحة مضحكة لكل مقبلة على الخطوبة
الرجوع الى أعلى الصفحة اذهب الى الأسفل
الخاتم الاسود




العمر : 48
البلد : حبي لتركيا
العمل : مدرس
تاريخ التسجيل : 08/10/2008

مُساهمةموضوع: رد: نصائح ابله طازه فيه ؟؟؟   4th نوفمبر 2010, 6:59 am

mohsen hassan كتب:
فى قسم المنتدى العام - بتاريخ 1/5/2010 حاتلاقى موضوع أسمه نصيحة مضحكة لكل مقبلة على الخطوبة

تقصد ان الموضوع متكرر ؟ ؟؟ Shocked
مافي اي مشكله ذكر فان الذكرى تنفع المؤمنين
مش ليك للآعضاء الجدد
اشكر مرورك ومشاركتك حبوب
الرجوع الى أعلى الصفحة اذهب الى الأسفل
 
نصائح ابله طازه فيه ؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى اللورد الشامل :: الاقـسـام الـعـامـة :: منتدى الـعـام-
انتقل الى:  
سحابة الكلمات الدلالية
افيشات الحكمة الشامل تردد مبارك بوجى برنامج قناة اجمل الافلام مصرية الخاتم اللورد الايمان القديمه السعودى التحميل رمضان النايل الشيخ الاسود ترددات زهرة الاطفال وطمطم مشاهده